რეპროდუქციული კლინიკა საერთაშორისო გამოცდილებით
ქართულ-ამერიკული რეპროდუქციული კლინიკა რეპროარტი 2012 წლის ივლისში გაიხსნა. მის ძირითად საქმიანობას ყველა ტიპის უშვილობის მკურნალობა და კვლევა წარმოადგენს. მათ შორის ერთ-ერთი წამყვანი მიმართულება ინ ვიტრო განაყოფიერების მეთოდით (ე.წ. ხელოვნური განაყოფიერება) მკურნალობაა. კლინიკის მომსახურება ყველა იმ ასპექტს აერთიანებს, რომელსაც ქალისა და მამაკაცის რეპროდუქციული ჯანმრთელობა უკავშირდება.
ReproART-ის დამფუძნებელი და დირექტორი ემბრიოლოგი ლიკა ჭყონიაა, რომელსაც საქართველოში ამ სფეროში მუშაობის 30-წლიანი, ხოლო ამერიკის შეერთებულ შტატებში ინ ვიტრო განაყოფიერების კლინიკებში მუშაობის 8-წლიანი გამოცდილება აქვს. რეპროარტის კლინიკური ნაწილის სამეცნიერო ხელმძღვანელია ნიუ იორკის უნივერსიტეტის ნაყოფიერების ცენტრის სამეცნიერო კომიტეტის თავმჯდომარე დევიდ მაკკალა (Ph.D./H.C.L.D./C.C). დოქტორი მაკკალა ინ ვიტრო განაყოფიერების (In Vitro Fertilization) სფეროში 1983 წლიდან მუშაობს და მრავალი სამეცნიერო ნაშრომის, წიგნისა და მონოგრაფიის ავტორია.
ჩვენი კლინიკები
2012 წლის შემდეგ რეპროარტი გაფართოვდა და რეპროდუქციული კლინიკა ჯერ ქუთაისში, შემდეგ კი ბათუმში გახსნა. ქუთაისის ფილიალი 2013 წლის პირველი თებერვლიდან ფუნქციონირებს და დასავლეთ საქართველოში მცხოვრებ პაციენტებს, დროისა და ფინანსური რესურსების დაზოგვის მიზნით, თბილისში არსებულ ყველა მომსახურებას სთავაზობს. 2014 წლის 15 სექტემბრიდან კი ბათუმში ქართულ-ამერიკული რეპროდუქციული კლინიკა რეპროარტი-ბათუმი გაიხსნა. რეპროარტი-ბათუმი იმ ტექნოლოგიებს იყენებს, რომლებიც თბილისსა თუ მსოფლიოს წამყვან რეპროდუქციულ ცენტრებშია დანერგილი.
30-წლიანი გამოცდილება რეპროდუქციულ მედიცინაში, უშვილობის მკურნალობის პროცესში მიღწეული წარმატებები და დამხმარე რეპროდუქციული ტექნოლოგიების გამოყენებით (Assisted Reproductive Technologies – ART) მიღებული საუკეთესო შედეგები ReproART-ს რეგიონში ლიდერ პოზიციაზე აყენებს.
დირექტორთა საბჭო
ლიკა ჭყონია
ლიკა ჭყონია
რეპროარტის დამფუძნებელი, დირექტორი
- ლიკა ჭყონიას საქართველოში მუშაობის 30-წლიანი და ამერიკის შეერთებული შტატების ინ ვიტრო განაყოფიერების კლინიკებში მუშაობის 8-წლიანი გამოცდილება აქვს. მან დოქტურანტურა ჯონსების სახელობის რეპროდუქციულ ინსტიტუტში, ამერიკის შეერთებულ შტატებში, ქალაქ ნორფოლკში (Jons Institute for Reproductive Medicine – Susan Lanzendorf’s Lab Norfolk, Virginia, USA) დაამთავრა. სწორედ ამ კლინიკაშია დაბადებული აშშ-ში პირველი ინ ვიტრო განაყოფიერებით (IVF) ჩასახული ბავშვი.
- ლიკა ჭყონია ჯონსების სახელობის რეპროდუქციულ ინსტიტუტში (Jons Institute for Reproductive Medicine Norfolk, Virginia, USA) მუშაობდა და რეპროდუქციის დამხმარე ტექნოლოგიების, კერძოდ, მიკრომანიპულაციების სასწავლო პროგრამების სერტიფიცირებული მასწავლებელი იყო. 1995 წლიდან კი ის 8 წელი ამერიკის შეერთებულ შტატებში — Mount Sainai Hospital, OFRM (Оffices for Fertility and Reproductive Medicine NY, NY,USA) — საქმიანობდა.
- 2003-2006 წლებში ლიკა ჭყონია ჟორდანიას სახელობის ადამიანის რეპროდუქციის ინსტიტუტის ინ ვიტრო განაყოფიერების განყოფილების ემბრიოლოგი იყო, 2006-2012 წლებში კი სამედიცინო ცენტრ „იუნონას“ ინ ვიტრო განაყოფიერების განყოფილებას ხელმძღვანელობდა. 2012 წლის ივლისიდან იგი ქართულ-ამერიკული რეპროდუქციული კლინიკა ReproART-ის დამფუძნებელი და დირექტორია.
- ლიკა ჭყონია საქართველოს რეპროდუქციული მედიცინისა და ბიოლოგიის ასოციაციის პრეზიდენტია. ასევე, იგი ადამიანის რეპროდუქციისა და ემბრიოლოგიის ევროპის ასოციაციაში (ESHRE) საქართველოს წარმომადგენელი, ამერიკის რეპროდუქციული მედიცინის ასოციაციის (ASRM) წევრი და ბიზნესმენ ქალთა საერთაშორისო ფონდის (IWEC) 2015 წლის გამარჯვებულია.
- ლიკა ჭყონიას სახელს უკავშირდება ინტრაციტოპლაზმური სპერმის ინექციის (ICSI – Intracytoplasmic Sperm Injection), სპერმის ოპერაციული ასპირაციისა და ბლასტოცისტის გაყინვის შედეგად საქართველოში პირველი ბავშვების დაბადება.
დევიდ მაკკალა
დევიდ მაკკალა
რეპროარტის სამეცნიერო დირექტორი
- დოქტორი (Ph.D), H.C.L.D. (მაღალგანვითარებული ტექნოლოგიის კლინიკური ლაბორატორიის დირექტორი), C.C დევიდ მაკკალა ქართულ-ამერიკული რეპროდუქციული კლინიკა ReproART-ის თბილისის, ქუთაისისა და ბათუმის ფილიალების სამეცნიერო დირექტორია.
- დევიდ მაკკალა ნიუ ჯერსის ბიოგენეტიკური კორპორაციის (Biogenetics Corporation in New Jersey) ანდროლოგიური ლაბორატორიის დირექტორი და ნიუ იორკის უნივერსიტეტის ნაყოფიერების ცენტრის (NYUFC – New York University Fertility Center, NY, USA) ლაბორატორიის დირექტორის მოადგილე და სამეცნიერო კომიტეტის თავმჯდომარეა. პარალელურად, იგი კოორდინაციას უწევს NYUFC-სა და რადკლიფ ტექნოლოჯის (Redshift Technologies), რომელიც NYUFC ელექტრონული სამედიცინო ისტორიების სისტემის შემქმნელია.
- დევიდ მაკკალა ნიუ იორკის უნივერსიტეტის სამედიცინო ინსტიტუტის სამეანო-გინეკოლოგიური ფაკულტეტის პროფესორია, იგი ამავე უნივერსიტეტის ნაყოფიერების ცენტრში 2012 წლიდან მუშობს და სხვადასხვა ჟურნალში გამოქვეყნებული 15 სამეცნიერო პუბლიკაციისა და 3 სახელმძღვანელოს თანაავტორია.
- დევიდ მაკკალა 20 წლის განმავლობაში ხელმძღვანელობდა დამხმარე რეპროდუქციული ტექნოლოგიების (ART) ლაბორატორიებს. (University Reproductive Associates [and its predecessor, the Center for Reproductive Medicine at Hackensack University Medical Center] in Hasbrouck Heights, New Jersey; Offices for Fertility and Reproductive Medicine, in Greenwich Village, New York; and the Fertility Institute at the Brooklyn Hospital Center, in Brooklyn, New York). კლინიკური საქმიანობის დაწყებამდე კი იგი ფლორიდაში, მაიამის უნივერსიტეტის სამედიცინო ინსტიტუტის (University of Miami School of Medicine, in Miami) სამეცნიერო სამუშაოებში იყო ჩართული. მერილენდის უნივერსიტეტსა და აშშ-ის სოფლის მეურნეობის სამინისტროს ბელტსვილის ცენტრში დევიდ მაკკალა იგივე კვლევებს ატარებდა კურდღლის ოოციტებზე (University of Maryland and the USDA’s Beltsville Agricultural Research Center, in College Park/Beltsville, Maryland, USA).
ნინო ოკუჯავა
ნინო ოკუჯავა
რეპროარტის დამფუძნებელი, დირექტორის მოადგილე
- ნინო ოკუჯავას თბილისის სახელმწიფო სამედიცინო ინსტიტუტის სამკურნალო საქმის ფაკულტეტი აქვს დამთავრებული. 1981-1994 წლებში იგი ჟორდანიას სახელობის ადამიანის რეპროდუქციის ინსტიტუტში ექიმ-გენეტიკოსად მუშაობდა, 1994-2006 წლებში კი —კომპანია „ნეოსტუდიის“ დირექტორის მოადგილედ. 1999-2006 წლებში ნინო ოკუჯავა კომპანია მაგთიკომის კორპორაციული ჟურნალის, „მუდმივი კავშირის სამყაროს“ რედაქციის წევრი და ამავე კომპანიის კორპორაციული სარეკლამო რგოლების აღმასრულებელი პროდიუსერი იყო.
- ნინო ოკუჯავა დოკუმენტური ფილმების: „გენერალი შალიკაშვილი“, „ჩვენ პირველი ევროპელები ვართ“, „აბრეშუმის გზა“, „მე, ჯორჯ ბალანჩინი“, „მუდმივი კავშირის სამყარო“ და ა.შ. აღმასრულებელი პროდუსერია. სხვადასხვა დროს იგი ჯონს ჰოპკინსის უნივერსიტეტის საკომუნიკაციო პროგრამების ცენტრთან თანამშრომლობდა და ოჯახის ჯანმრთელობის პროგრამის ფარგლებში, ოჯახის დაგეგმვისა და აბორტის საწინააღმდეგო სატელევიზიო პროექტების აღმასრულებელი პროდუსერი იყო. 2012 წლიდან კი ის ქართულ-ამერიკული რეპროდუქციული კლინიკა ReproART-ის დამფუძნებელი და დირექტორის მოადგილეა.
- ნინო ოკუჯავა ადამიანის რეპროდუქციისა და ემბრიოლოგიის ევროპის ასოციაციისა (ESHRE) და ამერიკის რეპროდუქციული მედიცინის ასოციაციის (ASRM) წევრია.
რატომ რეპროდუქციული კლინიკა რეპროარტი?
ქართულ-ამერიკული რეპროდუქციული კლინიკა რეპროარტი დაკომპლექტებულია სპეციალისტებით, რომლებმაც სტაჟირება მსოფლიოს წამყვან კლინიკებში გაიარეს. რეპროარტის ყველა მიმართულების სპეციალისტი — მეან-გინეკოლოგი, რეპროდუქტოლოგი, ემბრიოლოგი, გენეტიკოსი, ანდროლოგი, იმუნოლოგი და სხვა — კლინიკაში დანერგილი ამერიკული სტანდარტებით ხელმძღვანელობს. ამ გუნდის, საერთაშორისო მიდგომების, მკურნალობის თანამედროვე მეთოდებისა და ტექნოლოგიების ერთობლიობა კი ReproART-ის წარმატების მთავარი გარანტია.
უცხოელ პარტნიორებთან ერთად ჩვენს კლინიკაში სამეცნიერო და კლინიკური კვლევები ტარდება. ReproART- ის გუნდის წევრები მუდმივად მონაწილეობენ საერთაშორისო სემინარებში, სიმპოზიუმებსა და კონგრესებში, სადაც საკუთარ უახლეს სამეცნიერო შედეგებს წარადგენენ, უცხოელი კოლეგების გამოცდილებას ეცნობიან და წარმატებულ მიღწევებს მათ თავადაც უზიარებენ.
რეპროარტის ექიმების ნაშრომები ისეთ მნიშვნელოვან კონგრესებზე იყო წარდგენილი, როგორებიცაა ადამიანის რეპროდუქციისა და ემბრიოლოგიის ევროპის ასოციაციის კონგრესი (ESHRE), აშშ-ის რეპროდუქციული მედიცინის ასოციაციის კონგრესი (ASRM) და გინეკოლოგიური ენდოკრინოლოგიის საერთაშორისო ასოციაციის კონგრესი (ISGE) და ა.შ.
რეპროარტის გუნდის წარმატებები
საქართველოში ინ ვიტრო განაყოფიერების მეთოდით მკურნალობის (IVF) განვითარება ReproART -ის გუნდს უკავშირდება. კლინიკის პერსონალმა მთლიანად სფეროს წინსვლაში უმნიშვნელოვანესი წვლილი შეიტანა. სწორედ ჩვენი გუნდის დამსახურებაა შემდეგი წარმატებები:
2004 წელი – ინტრაციტოპლაზმური სპერმის ინექციის (ICSI – Intracytoplasmic Sperm Injection) გამოყენების შედეგად პირველი ბავშვი დაიბადა
2007 წელი – გაყინული ემბრიონის გადატანის შედეგად პირველი ბავშვი დაიბადა
2007 წელი – სუროგაციის პროგრამის გამოყენებით პირველი ბავშვი გაჩნდა
2007 წელი – პირველი ორსულობა მამაკაცის მიკროქირურგიული ოპერაციის შედეგად მიღებული სპერმის გამოყენებით
2007 წელი – ბლასტოცისტის კულტივირების შედეგად პირველი ბავშვი დაიბადა
2016 წელი – პირველად საქართველოში დაიბადნენ ჯანმრთელი ბავშვები პრეიმპლანტაციური გენეტიკური სკრინინგი/დიაგნოსტიკის (PGT-A/PGT-M) შემდეგ
QR კოდი – თბილისის ფილიალის კონტაქტი
თქვენს მობილურში.
ქ. თბილისი
სულხან ცინცაძის ქ. N23
ტელ.:+995 322 515 909
hello@reproartclinic.com
QR კოდი – თბილისის ფილიალის კონტაქტი
თქვენს მობილურში.
ქ. ქუთაისი
აკაკი წერეთლის ქ. N 58
ტელ.: +995 591 907 907
hello@reproartclinic.com
QR კოდი – თბილისის ფილიალის კონტაქტი
თქვენს მობილურში.
ქ. ბათუმი
ვახტანგ გორგასლის ქ. N159
ტელ: +995 595 441 144
hello@reproartclinic.com