სუროგაცია

რას ნიშნავს სუროგაცია?

სუროგაციის პროგრამის დროს სუროგატი დედა ნაყოფს მუცლად ატარებს და ბავშვს ბიოლოგიური მშობლებისთვის აჩენს.

რა შემთხვევაშია საჭირო სუროგაცია?

როდესაც ორსულობა ან/და მშობიარობა, ქალის ჯანმრთელობის მდგომარეობის გამო, შეუძლებელი ან სახიფათოა, საჭირო ხდება სუროგაციის პროგრამის გამოყენება და მკურნალობის პროცესში სუროგატი დედის ჩართვა. ასეთი მდგომარეობებია:

  • საშვილოსნოს არარსებობა განვითარების თანდაყოლილი მანკის გამო და საშვილოსნოს ანატომიური პრობლემები (მათ შორის როკიტანსკის სინდრომი და სხვ.);
  • საშვილოსნოს არარსებობა ჰისტერექტომიის ანუ ოპერაციული გზით საშვილოსნოს ამპუტაციის ან ექსტირპაციის გამო;
  • ისეთი დაავადებების შემთხვევაში, როდესაც იქმნება ორსულობის დროს ქალის ჯამრთელობის მდგომარეობის დამძიმების ან სიკვდილის საშიშროება (შაქრიანი დიაბეტი, სისტემური დაავადებები, თირკმლის უკმარისობა, ონკოლოგიური დაავადებები და ა.შ.);
  • წარუმატებელი ქირურგიული ჩარევა (ენდომეტრიუმის ბაზალური და ფუნქციონალური შრის დაზიანება, აშერმანის სინდრომი);
  • მრავლობითი, სხვადასხვა ლოკალიზაციის მიომატოზური კვანძების არსებობა;
  • რამდენიმე წარუმატებელი ინ ვიტრო განაყოფიერების (IVF) მცდელობა;
  • მრავალჯერადი თვითნებური აბორტი.

სუროგაცია და მისი ეტაპები

თავდაპირველად რეპროდუქტოლოგი უშვილო წყვილის ჯანმრთელობას აფასებს. თუ მისი რეკომენდაციით, ბიოლოგიური შვილის ყოლისთვის სუროგატი დედა ხდება საჭირო, მაშინ მომავალი მშობლები მას სუროგაციისა და დონაციის სააგენტოში აირჩევენ.

მომდევნო ეტაპზე სუროგატი დედა სათანადო კვლევებს იტარებს, რომელთა შედეგებითაც მისი რეპროდუქციული ჯანმრთელობა ფასდება. ბიოლოგიური დედის საკვერცხის მედიკამენტოზური სტიმულაციის პარალელურად, ემბრიონის გადატანისთვის სუროგატი დედის საშვილოსნოს მომზადება მიმდინარეობს (იხილეთ: ინ ვიტრო განაყოფიერება).

რეპროარტში სუროგაციის პროგრამის წარმატების მაჩვენებელი 83%-ია.

 

იმისთვის, რომ დაგეგმო რეპროარტის ნაყოფიერების სპეციალისტთან – მეან-გინეკოლოგ, რეპროდუქტოლოგთან კონსულტაცია თბილისის, ქუთაისის ან ბათუმის ფილიალში, აუცილებელი არის წინასწარ ჩაწერა.

სპერმის დონაცია

შემოგვიერთდით

© 2024 რეპროარტი